Izmi Zeka
Zëvendësministër i Ministrisë së Punëve të Brendshme
Izmi Zeka,
është zëvendësministër i Ministrisë së Punëve të Brendshme.
Lindi më 15 tetor 1967, në fshatin Poliçkë, komuna e Kamenicës.
Shkollimi
Shkollimin fillor e kreu në Gjilan, kurse atë të mesëm në Prishtinë. Studimet universitare për histori i kreu në Prishtinë, ku vazhdoi edhe studimet postdiplomike.
Përvoja e Punës
• Mbi dhjetë vite punoi në arsim, si mësimdhënës i lëndës së historisë.
• Nga rinia e hershme ishte pjesë e lëvizjeve atdhetare për liri, pavarësi dhe demokraci.
• Nga themelimi i Partisë Demokratike të Kosovës (PDK), është anëtar aktiv.
• Aktualisht udhëheq degën e PDK-së në Gjilan dhe kryeson Kuvendin Komunal të Gjilanit.
• Që nga zgjedhjet lokale të vitit 2009 në Gjilan, kontribuoi duke qenë pjesë e komisioneve të ndryshme që kanë të bëjnë me përmirësimin e qytetit dhe jetesën e qytetarëve.
• Përveç aktivitetit politik merret edhe me publicistikë, ku ka botuar dy libra dhe ka botuar një numër të madh të shkrimeve analitike shoqërore-politike dhe të punimeve shkencore.
• Ka botuar librin “Shtatë emra piramidë” i cili u dedikohet shtatë figurave të rëndësishme të historisë kombëtare të Anamoravës.
• Këto ditë ka botuar librin publicistik “Realitete dhe Ballafaqime”.
Jeton në Gjilan me familjen e tij, bashkëshorten Hanumshahen dhe vajzën Edonën.
Tel: +381 (0)38 200 19 741
Email: Izmi.Zeka@rks-gov.net
Adresa: Rr. “Luan Haradinaj” p.n. – Prishtinë
